خليني ساكتة احسن

مش عارفة اتكلم عن ايه 

اتكلم عن الناس اللي بتموت ف الصومال

ولا عن الناس اللي بتموت ف غزة

ولا عن الناس اللي بتموت ف سوريا

تعددت الاسباب والموت واحد

اتكلم عن الناس اللي سرقت البلد

ولا الناس اللي معندهاش دم 

ومصريين ان البلد كانت احسن ف عهد مبارك

ولا اتكلم عن جماعة انا اسف ياريس 

اللي كان اخر ابداعاتها انهم يلموا تبرعات 

باسم مبارك ويدوها لمستشفي سرطان الاطفال

عشان يكتبوا اسمه علي اودة من الاود
ونسيوا ان مباارك كان سبب رئيسي لبناء المستشفي دي 

عشان شحنة القمح اياها اللي دخلت البلد من سنين 

وخلت الاكل والمحاصيل مسرطنة

وبالتالي السرطان ارتفع بنسبة كبيرة ف مصر

اتكلم عن المجلس العسكري اللي منفض لكل اللي بيحصل ف البلد
ولا عن الناس اللي عاملة فرح اعتصامات

اتكلم عني وعن حياتي

وانا عاملة زي الصفر علي الشمال

زي المريض اللي بياخد مسكنات

ولا عن اللي حواليا اللي بيبصولي 

زي الاصفار اللي قدام المليون

قيمتي في اني بنت مين ومعايا كام

هتكلم عن ايه ولا ايه ولا ايه

الاحسن اني هسكت خالص ومش هتكلم