من قصاصات امرأة متزوجة ......سابقا

_كل يوم أزداد إختناقا بك,وجودك بحياتي يكبلني ,يجعلني لا أتنفس,كذبك المتواصل علي,لؤمك في التعامل معي ,كلامك عني بالسوء......كلها أمور تبعث علي إحتقارك.

_سيدي....................هههههههههههههههه

نعم أنت سيدي  لمجرد ورقة كتبت عند مأذون ....ولإعتقاد أناس ابشع منك ....وفي مجنمع لا ينجب الا امثالك صرت مالكي الرسمي.......فأرجوك تحمل إذن وزر أنك لا تفلتني من بين يديك.

_أشعر معك بالفشل ...............ومزيدا من الإكتئاب.

_ياعزيزي منذ زمن إستحالت العشرة بيننا..منذ أن كففت عن إحترامك ..وهتكت أنت ستر بيتنا

فنحن نعيش حالة من اللا حب واللا إحترام.

_جعلتني أتمني العودة الي عصر(وأد البنات) كنت سأدخل الجنة ولن أري (أمثالك).

_اتساءل الايستحق بعض هؤلاء الرجال (الوأد)عقابا لهم عما يفعلونه بحق النساء.

كتبت في 26\6\2011 ففي هذا اليوم تحتفل شعوب العالم باليوم العالمي

لضحايا التعذيب كما إتفقت عليه الدول الاعضاء بالأمم المتحدة.

ساذجة

ما أصعب أن تكون إمرأة وحيدة

بعالم يعج بالرجال

وقلبها قلب طفلة

وأفكارها امنة لأي غريب يطرق بابها

فهي لا تعرف كيف لاتثق بالغرباء

ودائما في اخر الامر تؤذي نفسها

بهذه السذاجة

ولكنها ابدا لاتتعلم

وجع غيابه

الساعة السابعة

يرن المنبه معلنا بداية هذا اليوم

تستيقظ بعينان يملؤهما النوم

وتتقلب علي فراشها 

تنظر الي الناحية الاخري من السرير

وتجده (هو)مستلقيا بجوارها 

تفكر به كثيرا هذه الايام

مايفعله الان شيئا يثير فضولها حقا

ترغم نفسها علي ترك السرير

وتتجه الي المطبخ لتجهيز فطورها

ومن ثم تدخل لأخذ حمام سريع

.

.

تتناول إفطارها علي عجل فهي تأخرت عشر دقائق كاملة عن عملها

وتخرج مسرعة الي الباب لتجد السائق في انتظارها 

تحييه بإبتسامة صغيرة وتركب الي جواره

.

.

تنظر بجانبها فتجده (هو) متعلقا بها 

تمط شفتيها تذمرا من ملازمته الدائمة لها

وتعرف انه امر مفروض عليها حتي النهاية

ودائما ما تتساءل ايأتي يوما هو خارج حياتها؟

.

.

دخلت الي غرفتها الصغيرة وجلست الي المكتب

بعدما اطمئنت الي ان كل زملائها موجودين بمكاتبهم

وبدأت بكتابة اوراقها

وما بين الحين والاخر تترك الورق لتنظر اليه (هو)

وتبتسم

.

.

رجعت الي البيت ارتدت بيجامتها

وجلست فوق سجادة الصلاة

وأطرقت بعينين دامعتين لاتتكلم

فهي تعلم ان الله يحس بها

(هو) ايضا كان يجلس بجانبها

فكرت لما لايفارقها حتي بهذه اللحظات الخاصة جدا!!

.

.

اوت الي سريرها 

واستلقي (هو) الي جانبها 

نظرت له مليا

وانخرطت في بكاء صامت 

مرددة

لما انت موجود دائما

لما تصر علي مشاركتي كل تفاصيل حياتي

لما تصر علي خنقي هكذا

انك تنهكني وتستنزف مشاعري

ولا أقو علي فعل شئ

 اغمضت عينيها ككل ايام حياتها

ونامت متعلقة بالامل

 ان يكون فعلا هنا

بدلا من ان يظل مكانه فارغا

الا من وجع غيابه هذا 

الذي يلازمها منذ الفراق 

.

.

ياالله كم هم اغبياء هؤلاء العشاق 

أحدهم يعيش وجع غياب الاخر 

علي امل الرجوع

واحدهم يترك نفسه

جسدا مسموحا لكل العابرين

املا في النسيان

واحدهم يفرط في الانهيار والكابة

املا في الموت

ومابين الحزن والنسيان والموت

تعيش هي وجع الغياب

يارب محتاجالك

 أرددها كل يوم كثيرا

.

.

.

فيهتف قلبي

ايوه انا تافهة

امبارح كنت معدية قدام محل دباديب

وقفت شوية اتفرج عشان شكلهم حلو اوي

وكان فيه دبدوب كبير اوي  لونه pink

عجبني اوي

فكرت للحظات ادخل اشتريه

بس حسيت انها بايخة ان حد يدخل يشتري لنفسه دبدوب

قلت خلاص اعمل اني هلفه لحد هدية

بس من كتر منا حاسة ببواخة الفكرة قررت اني امشي

.

.

هو الموضوع ف حد ذاته ميضايقش

بس انا مضايقة من فكرة اني معنديش حد يجيبلي دبدوب

.

.

اه  انا مضايقة من فكرة اني معنديش حد يجيبلي دبدوب

واه حقيقي انا عاوزة يكون فيه حد ف حياتي يهتم بحاجاتي التافهة 

ويحبها كمان

.

.

صعب جدا ان البني ادم يكون وحيد

الاصعب منها ان البني ادم يرتبط بحد وبرضه حاسس انه وحيد

والاصعب من الاتنين انك تكون متأكد انه عارف كده وبرضه

مش مهتم

فيه تفاصيل كتير بتغيب من حياتكم

يوم بعد يوم بتبتدي تبقي العلاقة روتينية

وبتقتصر الحياة علي  _حبيبتي مش فاضي

حبيبتي والله نسيت

حبيبتي عندي شغل

 حبيبتي قدري ظروفي

حبيبتي خمس دقايق واكلمك

حبيبتي نتكلم باليل_

والخمس دقايق بيكونوا ساعة

وباليل اما بيرجع بيكون تعبان عشان مش فاضي طول اليوم

ويدوب ينام

ويدوب تلحقي تسلمي وتطمني علي احواله

ولو كان فيه حاجة مهمة تتحكي ف خمس دقايق وخلاص

اما القضايا التافهة دي فمينفعش اصلا تتكلمي فيها

ولازم تكوني مقدرة الوضع اللي هو فيه

ولازم متبينيش انك زعلانة

ولازم الابتسامة تكون مالية وشك

مينفعش تكوني نكدية

.

.

وانتي طول الوقت حاسة انك لوحدك

لوحدك

.

.

بيكون نفسك  ف حاجات صغيرة تتعمل

انه يجيبلك الحاجات الهبلة اللي انتي بتحبيها

انه مينساش حاجة انتي قايلاله عليها

او يبعتلك جواب يقولك بحبك فيه

جواب مش ايميل

من غير ميقولك ايه الجوالقديم ده

او يقولك انك فاضية اوي

او يتحجج باي حجج انتي عارفاها مسبقا

نفسك يفتكر عيد ميلادك

او حتي عيد الحب اللي الناس كلها بتعرفه

من الحاجات الحمرا اللي متعلقة ف كل الشوارع

وتحسي انك للدرجة دي مش ف قايمة اهتماماته

اللي بيخليكي مستغربة اكتر

انك كل اما تتخانقي معاه

بيفاجئك انه منفوخ منك

ويفتحلك القديم والجديد

وانك مبتحسيش بيه

ومبيديكيش فرصة حتي انك تتخانقي صح

فتضطري تسكتي

وكل مرة انتي بتسكتي

بتستغربي

وهو بيبعد.. وانتي كمان تبعدي

وتحسي انك لوحدك

لوحدك

.

.

عرفتوا ليه انا مشيت ومرضتش اشتري الدبدوب

مهو مجتش ع الدبدوب

فيه حاجات كتير صغيرة انا نفسي فيها ومبتحصلش

ولكنها.......الأيام

سافر علي امل ان تتحسن ظروفه
ويعود إليها بشقة وسيارة اخر موديل
والموجع ف الامر أنه اخر مرة راها
اخبرها ان هذا فراق بينها وبينه
وانه لن يراها بعد الان
واحلها من وعود الإنتظار
خوفا عليها
وخلال عامان من فراقهما
حصل علي عمله الخاص الذي ينفق منه عن سعة
وعاد الي وطنه الاول
وحبه الاول
ولكنها..............الايام التي تغير كل شئ
فقد فقد قلبه البكر في خضم هذا كله
ولم يسأل عليها
وهي في مقابلتهما الاولي بعد الفراق
لم تستقبله باللهفة القديمه
وإنما بدت نظرات الإنكسار بعينيها
وهزيمة قديمة لحبهما
ودبلة تلمع في يدها اليسري
ربما هي خطبت فعلا لشخص اخر
وربما هي كاذبة ولا يوجد اخر
انما هي طريقة للتخلص منه
وهو
فهم أنه جاء متأخرا جدا
وقرر الزواج بأخري
إختارتها له أمه
ومرت أيامه ولكنها ناقصة
منهــــــــــــــــــــــــــا.

قصة تحرش حقيقية جدا

كان اليوم الاخير بامتحانات الصف الخامس الابتدائي وكعادة كل الاطفال
لم تذهب مباشرة الي البيت وانما احبت ان تجلس قليلا الي صحباتها وتلعب معهن
وذهبت الي الحمام للحظات لتقضي حاجتها
وكانت تلك اللحظة التي انطبعت في ذاكرتها الي الابد
فهي وجدت نفسها مباشرة امام ذئب بشري لم ينظر لها كطفلة
ولكنه وجد امامه قطعة من اللحم اراد ان يعرف مذاقها
كان للأسف فراش بهذي المدرسة ائتمنه الاهالي علي ابنائهم

هي لاتتذكر بالتحديد ماحدث
تفاصيل كثيرة غائبة كل ماتذكره, تحسسات يده عليها ,جسده العاري
رائحته المقززة ,اشياء لم تدركها وهي طفلة
ولكن لهول تلك الاشياء انطبعت بذاكراتها
وظل الموضوع ملازما لها طوال العمر
ولكنه كان في نقطة بعيدة جدا من الذاكرة لم تستدعيه ابدا
الي ان جاء يوما وذهبت لتخلص اوراق عملها في مكتب ما من مكاتب المحافظة
ووجدته امامها بنفس النظرة الدنيئة مع انه كبر في العمر كثيرا
وتذكرت كل شئ دفعة واحدة واحست بمياه باردة تجتاح جسدها
لم تعلم لما خافت هكذا وهي قادرة الان علي الامساك به وفضح امره
ولكنها فضلت ان تغادر المكان بأقصي سرعة
لأن افتضاح امره لن يفيد ومن المؤكد ان الناس لن تصدق حرفا مما ستقول
فبعد كل هذا الزمن تأتي هي لتقول ان هذا الوغد تحرش بها
।
।
।
।
।
بصرف النظر عن انها معقدة وترفض الزواج
وبصرف النظر عن انها تعتبر كل رجل عدو لها
فهي تتسائل كيف تحمي أطفالها_ان تزوجت_من هذه الكلاب الجائعة؟

صباح الخير ياحبيبي

(انا جتلك هنا لوحدي وحنيتلك وبكرة الوقت يثبتلك بحبك قد إيه وبهواك مجبتش حاجة من عندي ده احساسي في بعدك روحي بتقاسي مابرتحش الا وانا وياك)

انا مش فاهمة ليه النهاردة بالذات انا حلمت بيك
لا وعايزة اقولك انك وحشتني اوي اوي
عارفة اني مش وحشاك
خلاص ياسيدي مش مشكلة
منا كنت مشكلة ف حياتك وخلصت
احساس غريب اوي انك
تبقي حاسس بحد وانت بعيد عنه كده
وتبقي زي ماقالت احلام مستغانمي
متطابق معاه بحواس الغياب
يمكن عشان الحاجات البسيطة اوي
الحقيقية جدا
اللي احنا عشناها سوا
اصل الحب حلو اوي اما يكون ابيض كده
يعني من غير تمثيل
طالع من القلب
حلوة اوي المواقف الصغيرة الهبلة اللي كانت بتخليني
احسسك اني بحبك واللي انت كنت بتعملهالي برضه بحب
وكانت من غير قصد
.....
عارف
انا لسه مصدقة برضه انك كنت حد كويس
ومش هغير الفكرة دي
مع انك عملت كل حاجة عكسها
بس عارف انا مش هتكلم ف العكس ده
عشان النهاردة مش عاملة دماغ حزينة
يمكن عشان حلمت بيك
واول مرة اشوفك فيه بتضحك كده
اوعي تكون بتضايقني يعني وتقولي انك مبسوط بعدي
انا متاكدة انك مش هتشوف كلامي ده
ويمكن مش بتفتكرني كتير
بس متاكدة انك اما بتفتكرني
فيه حتة صغيرة جواك لسه بتدق
ماهو ياعزيزي انا كمان كده
....
عارف
فيه ناس بتعدي ف حياتك
مهما تقعد وتبرطع فيها
ملهاش اي تأثير
وفيه ناس مبتعديش ف حياتك
يعني تقدر تقول انها بتجري جري
وبتفضل فاكرها اوي
يمكن عشان بتعمل حاجات صغيرة اوي
بتفضل معلمة جوه
ف حتة محدش بيوصلها كتير

وحشتني اوي الحاجات الصغيرة دي
واوقات مش بحزن انها مبتحصلش
يمكن عشان اما افتكرها لسه بضحك اوي

واخيرا
حبيت بس ارد الجميل واصبح عليك
زي منتا جتني ف الحلم وضحكتني
عشان انا مش قليلة أصل زي ناس

صباح الخير ياحبيبي

خديها مني كلمة ياصباح ياختي

خديها مني كلمة ياصباح ياختي
(تعلمت منهم العجب)

(تعليقا علي خبر زواج صباح للمرة الثامنة)

الأول
تعلمت منه أن تكون روحي رياضية في تقبل أن يكون معجب بأخريات يتقاسم معهن الليالي التي أكون (مشغولة) فيها

الثاني
تعلمت منه أن تكون روحي رياضية في تقبل فكرة ان تكون أسرارنا ومشاكلنا (file )أساسي في بيت كل المصريين

الثالث
تعلمت منه أن تكون روحي رياضية في أن أقفل علي نفسي (بالضبة والمفتاح) ولا أحد يري (ضوافر رجلي) بالرغم من أن إخوته لسن محجبات وكل يوم مع رجل جديد

الرابع
تعلمت منه أن تكون روحي رياضية وأتركه يبحث في أشيائي الخاصة ف(موبايلي ولاب توبــــ)ــي ودفاتري هي منحة مجانية بالرغم من انني لم أفكر في تنقيب أشيائه أبدا

الخامس
تعلمت منه أن تكون روحي رياضية في أن اعتبر صديقه (اللي زي أخوه بالظبط) هو أختنا الثالثة التي تعلم كل شئ عن اي شئ في علاقتنا وصراحة ان الشيطان( ذات نفسه) تنحي وترك لهذا الصديق المقعد الثالث واكتفي بالمشاهدة

السادس
تعلمت منه أن تكون روحي رياضية وأسمح له بشتمي وإهانتي كيف يشاء وإنني من المفروض ومن الطبيعي ان اعتبر هذه الاهانات حب (زيادة منه) وخوف علي

السابع
تعلمت منه أن تكون روحي رياضية في تقبل فكرة أنني (بنت مزة) وهذا فقط فقط لأنني أمشي مع (واد جامد) مثله وأنني حرم (سوبرمان) وأنني يجب أن اصلي شكرا لله لأنه تنازل وارتبط بي وانا مثل (ليلي بنت الفقراء)

واخرتهــــــــــــــــا(سمعتها في أغنية خليجية)

أصبحت إمرأة كالقطط بسبع أرواح
وقررت -بالمناسبة-اني لا أريد الإرتباط برجل ثامن فأنا لست (الشحرورة) ولا أريد دخول موسوعة جينيس للأرقام القياسية.