(اهو غار ف داهية وبكرة يركع تحت رجلك سيد أبوه )
هشام الجخ
كنت فاكرة نفسي اقوي من الزمن
كنت فاكرة نفسي لسه جواك
لسه ف الحتة الصغيرة اللي شايلاني انا لوحدي
.
.
ورجعت ادور عليك
اكلمك
او حتي اطمن عليك
.
.
ملقتش حاجة
ايوه ملقتش حاجة
لقيت واحد غريب عني
.
احساس وحش
اوحش احساس
اني افتكر اني منك
وانا ولا اعرفك
وانت ولا تعرفني
اما احس اني اما عرفتك ف يوم من سنين ..وحبيتك
فيه ايام جت كتير بعده غيرتك ...........للاوحش بكتير
.
.
يمكن انا حبيت فكرة العذاب
واني اعيش دور شهيدة قصة حب مكتملتش
.
.
بس حقيقي اتعذبت كتير
مش هقولك ازاي ولا فين ولا امتي
بس اتعذبت
.
.
كنت فاكرة ان الحكاية بينا مختلفة
كنت فاكرة انك احسن راجل قابلته ف حياتي
طلعت مفيش
.
.
ملقتش حاجة
.
.
عارف
بني ادم معندوش دم اللي حد يسيبه
ويرجع يدور عليه
بني ادم ملعون اللي حد يحبه بالشكل ده
ويرجع يدور عليه
يلاقيه ...مفيش
عارف
كنت فاكرة حاجات كتير
كنت بحلم ف كل حلم بيك
وبشوفك ف كل سكة
ف كل وش بيقابلني
حتي الكلام بدور جواه
علي كلامك
عليك
عارف
محبتش كده لاقبلك ولا بعدك
محدش عذبني كده
ادمنتك
كل حاجة ف حياتي ليها علاقة بيك
كل حد عرفته سابني او سبته بسببك
وملقتش نفسي مع حد
زي ما لقيت نفسي معاك
احساس بشع بكرهك
وبكره كل حاجة ف حياتي ليها علاقة بيك
بدور ف كل حتة عن حاجتك
وبحرقها وحدة ورا التانية
.
.
وشايفاني بتغير
شايفاني معيطتش لحد دلوقت
شايفاني قوية اوي
عارف
لاول مرة شايفاني بحتقرك
نفسي احرق كل حاجة ف ذكرياتي ليها علاقة بيك
وبسألني
هو ايه اللي كان عاجبني فيك ؟؟
ولا مضمون
ولا معني
هو ايه اللي رجعك تاني ؟؟
ارتحتي!!
عرفتي اللي انتي كان لازم تفهميه من زمان
ارتحتي!!
ده البني ادم اللي كان مستاهل كل اللي انتي عملتيه
ارتحتي!!
ارتحتي!!
ايوه ارتحت
ع الاقل هعيش اللي جاي
وانت مش فيه
باي شكل من الاشكال
كل حرف قولتيه انا حساه والله كأنك الكلام ده بتاعي انا
ردحذفحصلت معايه نفس اللى حكتيه بالظبط ولما رجعت حاولت ادور عليه تاني فيه لقيته حد تاني غير اللى عرفته وحبيته وفعلا مقدرتش اكمل معاه مع انه هو هو نفس الشخص اللى كنت بعشق كل تفاصيله برغم كده حسيته حد غريب عليا الدنيا غيرته اوى خلته حد وحش جدا في كل حاجه انتى بجد بجد رائعه
شكرا يامنون علي زوقك ياحبيبتي
ردحذفبس انا عاوزة اقولك ان الدنيا عمرها ما بتقف علي حد واحد وممكن ربنا بيخليكي تتعلقي بحاجة لفترة كبيرة من حياتك وتبني كل احلامك عليها وترجعي تدوري عليها وتلاقي ان انتي ظلمتي نفسك
بس صدقيني والله العظيم ده الخير لان انتي ف اللحظة دي ربنا بينزل عليكي رحمته وبيكرهك ف الحاجة دي او الشخص ده
وف اللحظة اللي بعدها بترجعي تعيشي من جديد وتشوفي كل الحاجات بعين تانية
لا وربنا بيكرمك بحد احسن بكتير من اللي انتي كنتي فاكراه كل حياتك
من ترك شيئا لله عوضه الله بخير منه
Mango Habanero Casino Review & 2021 Prices - Mapyro
ردحذفFind 목포 출장마사지 the best prices on Mango Habanero 양산 출장샵 Casino 제주도 출장마사지 and get a $50 no 진주 출장마사지 deposit bonus! Mango Habanero has $0.00 구리 출장안마 in total gambling credits.