(انا جتلك هنا لوحدي وحنيتلك وبكرة الوقت يثبتلك بحبك قد إيه وبهواك مجبتش حاجة من عندي ده احساسي في بعدك روحي بتقاسي مابرتحش الا وانا وياك)
انا مش فاهمة ليه النهاردة بالذات انا حلمت بيك
لا وعايزة اقولك انك وحشتني اوي اوي
عارفة اني مش وحشاك
خلاص ياسيدي مش مشكلة
منا كنت مشكلة ف حياتك وخلصت
احساس غريب اوي انك
تبقي حاسس بحد وانت بعيد عنه كده
وتبقي زي ماقالت احلام مستغانمي
متطابق معاه بحواس الغياب
يمكن عشان الحاجات البسيطة اوي
الحقيقية جدا
اللي احنا عشناها سوا
اصل الحب حلو اوي اما يكون ابيض كده
يعني من غير تمثيل
طالع من القلب
حلوة اوي المواقف الصغيرة الهبلة اللي كانت بتخليني
احسسك اني بحبك واللي انت كنت بتعملهالي برضه بحب
وكانت من غير قصد
.....
عارف
انا لسه مصدقة برضه انك كنت حد كويس
ومش هغير الفكرة دي
مع انك عملت كل حاجة عكسها
بس عارف انا مش هتكلم ف العكس ده
عشان النهاردة مش عاملة دماغ حزينة
يمكن عشان حلمت بيك
واول مرة اشوفك فيه بتضحك كده
اوعي تكون بتضايقني يعني وتقولي انك مبسوط بعدي
انا متاكدة انك مش هتشوف كلامي ده
ويمكن مش بتفتكرني كتير
بس متاكدة انك اما بتفتكرني
فيه حتة صغيرة جواك لسه بتدق
ماهو ياعزيزي انا كمان كده
....
عارف
فيه ناس بتعدي ف حياتك
مهما تقعد وتبرطع فيها
ملهاش اي تأثير
وفيه ناس مبتعديش ف حياتك
يعني تقدر تقول انها بتجري جري
وبتفضل فاكرها اوي
يمكن عشان بتعمل حاجات صغيرة اوي
بتفضل معلمة جوه
ف حتة محدش بيوصلها كتير
وحشتني اوي الحاجات الصغيرة دي
واوقات مش بحزن انها مبتحصلش
يمكن عشان اما افتكرها لسه بضحك اوي
واخيرا
حبيت بس ارد الجميل واصبح عليك
زي منتا جتني ف الحلم وضحكتني
عشان انا مش قليلة أصل زي ناس
صباح الخير ياحبيبي
:)
ردحذفبصي انا هقولك الحقيقة الاول انا معرفش ايه اللي جابني هنا والله
انا عندي ثانوية عامة وبذاكر المفروض بس لاقيتني هنا والحمد لله اني جيت هنا عشان خلتيني افتكر وابتسم
الحاجات الصغيورة هيا اللي بتفرق هيا اللي ممكن تحول حياتنا لحاجة حلوة اوي او تقلبها فوقيها تحتيها
حسيت البوست اوي ..عشان واقعي اوي
واحلى حاجة فيكي انك برضه مرضتيش تلوثي قلبك برغم كل الحاجات الوحشة اللي عملها وبتكتبيله مع انه ممكن يكون بالفعل سعيد من بعديكي
خايفة اقولك هتتعبي لأنك اكيد جربتي تنفخي في قربة مقطوعة بس مش مهم يكفي انك حاسة بسعادة ورضا النهارده حالة من اللا سلم واللا حرب
العواف بقى يا برينسيس :)
سيبك انتي بقا م البوست خالص
ردحذفمع اني فرحانة جدا انك علقتي عليه وفرحانة جدا جدا
انك جيتي هنا
بس انتي يعني ف ثانوية عامة
وكاتبة كل الكلام الجامد اللي ف المدونة ده
بجد برافو
حاجة يعني بتخلي الواحد يحس بالفشل لانه كتب علي كبر
كده
عموما ميرسي ياقمر اوي
وصدقيني احلي حاجة ف الدنيا الرضا
نورتي يابركةوخلينا نشوفك كتير هنا
عارفة احسن حاجة بتكون فى حياتنا اننا نعبر ونكتب ونقول اللى جوانا
ردحذفوالجميل اننا لانرد السيئة ونردها بحسنة
تحياتى
بجد بجد تحفة فحت يعنى ..
ردحذففكرتى الواحد بحاجات مش عايز يفتكرها.....
بس بجد تسلم ايديكى يابرنسيسه ياجامدة انتى ..
منورة والله...
شكرا ياتيمور ومستنية برضه تكملي القصة بتاعة نادر
ردحذفايفان صديقتي العميقة
ردحذفهههههههههههه
اول تعليق ليكي ف بلوجر
لا وكمان عرفتي تكتبي اسمك
ازغرت انا
ده نورك يابنتي
اكتر حاجه عجبتنى فى المدونه دى انك بتكتبى من قلبك اووووووى وحاسه اللى بتكتبيه وعايشاه ودا شئ بيطلع من قلبك بيدخل على قلبنا
ردحذفوبجد شطورة اوى انك بعد كل اللى عمله فاكره الحلو ليه بجد يسلم قلبك يا برنسيستى
بس انا بقى لحد دلوقتى مش عارفه اكتب اسمى بس هسيبك تخمنى انا مين يا قمرتى
هنو طبعا عرفتك يابنتي
ردحذفصديقتي العميقة التانية
منورة بلوجر والله
اما تيجي تعلقي ابقي اختاري اللي قبل الاخيرة واكتبي اسمك من ايكونة التعليق باسم سهلة يابنتي