بداية من مطبخ بيتنا الكبير ولحد قعدتنا المربعة علي الترابيزة الصغيرة
بحب اللمة والبيت اللي مفتوح 24 ساعة للناس
بحب امي المتميزة ف كل شهور السنة
واللي بيتنا عامر بيها ف كل رمضان
بحب تلفونات اول رمضان
و الناس الجميلة اللي بتفتكر تقولي كل سنة وانتي طيبة
و السؤال التقليدي ____صايمة ولا زي كل سنة؟
بحب كل الناس ف رمضان
بحب كل حاجة ف رمضان
بحس انه خير وكل حاجة فيه خير
(رمــــــــــــــــضان كــــــــــــــــــــريم)
نصيحة:
ادعي كتير ف رمضان ورا كل صلاة
بس رتب دعواتك الاول يعني الاهم فالمهم
قولهم كل شوية متبطلش دعا
وطول منتا قاعد استغفر
حاول تقرا قرءان كتير برضه
واعمل حاجات لله
ابتسم ف وش حد
صالح حد مخاصمه
فطر حد
اعمل حاجة تفرح قلب حد
خليك طيب وحنين مع الناس
وربنا هيردهالك
وهيجازيك خيييييييييييير
كل سنة وانتوا طيبين يامدوناتية
وانتى طيبة ياقلبى
ردحذفوكل سنة وانتى طيبة انتى كمان ويااااااارب رمضان ده يكون اجمل رمضان عدا عليكى ياقمرتى
بحب اللمة والبيت اللي مفتوح 24 ساعة للناس
ردحذفبحب امي المتميزة ف كل شهور السنة
واللي بيتنا عامر بيها ف كل رمضان
بحب تليفونات اول رمضان
و الناس الجميلة اللي بتفتكر تقولي كل سنة وانتي طيبة
........................
جميله قوي .. كل سنه وانت طيبه وبخير
كل عام وانت بخير .. بالتوفيق في الحملة وان شاء الله من المتابعين لكل جديد ..
ردحذفدمت بخير ..
نورتوني كلكم وكل سنة وانتم بألف خير ومتحرمش من متابعتكم ليا
ردحذفرمضان كريم
كل رمضان وانتي بخير
ردحذفعاوزينك تكتبي وتكتبي وتكتبي
لا تلفتي الي الوراء نفر افر
اوك ياايمو منورة
ردحذف