الناس اتغيرت ..............ده أساسي
وكل يوم بتشوف ناس ولاد ..................
ومضطر إنك تتعامل
ولازم علي فكرة تتعلم المجاملة
ولازم لسانك يكون حلو
ولو إنتي بنت لازم تتدلعي شوية
ولازم تبقي علي سنجة عشرة وإنتي رايحة اي مصلحة حكومية
ايوه يابنتي مهي السهوكة ف الزمن دهب تجيب فلوس
وضحكة من هنا وتسبيلة من هنا واللي انتي عايزاه هيتعمل
ولو انت راجل لازم تبقي قادر إنك تدفع
قادر إنك تميل علي الراجل وبإبتسامة صفرا
تقوله كل سنة وانت طيب
دي الطريقة الوحيدة دلوقت انك تعمل اي حاجة انت عايزها
محدش بقولي ان ده اتغير بعد الثورة
انا بشوف كل دهب يحصل لحد دلوقتي عاااااااااااادي جدا
وبيخليني اقو ل ان مفيش ثورة حصلت ف مصر
مهي المشكلة ان الاخلاق مابتتغيرش بسهولة كده
وفيه ناس لسه اخلاقهم زبالة
ودي للأسف تربية وطبع
بس مصر برضه بخير
وفيه ناس كويسة جدا
يا انسة ................ياكابتن
خللي عندك دم
وبلاش تغير\ي اخلاقك عشان حاجات دنيوية مش مستاهلة
يعني بلاش رشاوي
بلاش كل سنة وانت طيب
بلاش سهوكة
بلاش مياصة
بلاش قلة ادب
ومصر ساعتها هتنضف بجد
المشكله اننا مش عايزين ثوره على نظام او حاكم وبس
ردحذفاحنا عايزين ثوره على اخلاقنا عشان تختلف اختلاف جذرى
لان لو فضلنا كده
عمرنا ما هنبقى احسن للاسف
مبسوطه انك غيرتى اسم مدونتك ... مبروووك :))
معاكى حق و الله ..
ردحذفالناس محتاجة تتغير من جوا عشان نكون بنصلح البلد بجد
ماهو مينفعش نغير الحاكم و نفضل احنا بعادتنا الوحشة و أفكارنا اللى مش بتتغير دى
ثورة يبقى نغير كل حاجة .. بما فيها احا !
عجبتنى أوووى .. تسلم إيدك
فعلاً وكأن مفيش ثورة حصلت ف مصر
ردحذفمهي المشكلة ان الاخلاق مابتتغيرش بسهولة
المشكله مشكلة أخلاق .. وطباع جيل من الموظفين الفاسدين
مش عارفه هنستناهم يموتوا والا يطلعوا معااااااااش
احنا زهقنا وتعبنا بجد .. مفيش فايده
ياجماعة حقيقي الموضوع بقا زيادة تحسوا ان مفيش حد عنده اخلاق الا ناس قليلة والناس القليلة دي كمان للاسف لاما هامشيين لاما جبنا وساكتين
ردحذفمش عارفة امتي هيتغير النظام ده
Bent Men ElZaman Da الحمد لله انه عجبك بس علي فكرة ده مؤقتا بس والسبب انا قولته ع المدونة
رضوي تسلميلي يارب
هبة عارفة الموظفيين دول احنا نعمل دعا جماعي عليهم وقت الفطار ربنا يخدهم
زهقنا حقيقي
عندك حق
ردحذفبس لو كل واحد بدأ بنفسه صدقينى مصر هتتغير وتبئا أحلى وأحلى