اسوأ حاجة كتبتها

 (اهو غار ف داهية وبكرة يركع تحت رجلك سيد أبوه )

                                                           هشام الجخ

كنت فاكرة نفسي اقوي من الزمن
كنت فاكرة نفسي لسه جواك
لسه ف الحتة الصغيرة اللي شايلاني انا لوحدي
.
.
ورجعت ادور عليك
اكلمك 
او حتي اطمن عليك
.
.
ملقتش حاجة

ايوه ملقتش حاجة
لقيت واحد غريب عني 
.
احساس وحش 
اوحش احساس 
اني افتكر اني منك 

وانا ولا اعرفك 
وانت ولا تعرفني

اما احس اني اما عرفتك ف يوم من سنين ..وحبيتك
فيه ايام جت كتير بعده غيرتك ...........للاوحش بكتير
.
.
يمكن انا حبيت فكرة العذاب
واني اعيش دور شهيدة قصة حب مكتملتش
.
.
بس حقيقي اتعذبت كتير 
مش هقولك ازاي ولا فين ولا امتي
بس اتعذبت
.
.

كنت فاكرة ان الحكاية بينا مختلفة 
كنت فاكرة انك احسن راجل قابلته ف حياتي
طلعت  مفيش 
.
.
ملقتش حاجة

.
.
عارف 
بني ادم معندوش دم اللي حد يسيبه 
ويرجع يدور عليه

بني ادم ملعون اللي حد يحبه بالشكل ده
ويرجع يدور عليه 
يلاقيه ...مفيش


عارف 

كنت فاكرة حاجات كتير
 كنت بحلم ف كل حلم بيك
وبشوفك ف كل سكة
ف كل وش بيقابلني
حتي الكلام بدور جواه 
علي كلامك
عليك


عارف 

محبتش كده لاقبلك ولا بعدك
محدش عذبني كده
ادمنتك
كل حاجة ف حياتي ليها علاقة بيك
كل حد عرفته سابني او سبته بسببك
وملقتش نفسي مع حد
 زي ما لقيت نفسي معاك



احساس بشع بكرهك 
وبكره كل حاجة ف حياتي ليها علاقة بيك
بدور ف كل حتة عن حاجتك
وبحرقها وحدة ورا التانية
.
.
وشايفاني بتغير 
شايفاني معيطتش لحد دلوقت
شايفاني قوية اوي

عارف 
لاول مرة شايفاني بحتقرك
نفسي احرق كل حاجة ف ذكرياتي ليها علاقة بيك
وبسألني 

هو ايه اللي كان عاجبني فيك ؟؟
ولا مضمون 
ولا معني

هو ايه اللي رجعك تاني ؟؟
ارتحتي!!
عرفتي اللي انتي كان لازم تفهميه من زمان
ارتحتي!!
ده البني ادم اللي كان مستاهل كل اللي انتي عملتيه
ارتحتي!!
ارتحتي!!

ايوه ارتحت
ع الاقل هعيش اللي جاي 
وانت مش فيه 
باي شكل من الاشكال
 

 

صديقتي ...والرجل المُنتقب*

هي تحبه
والجميع يعلم بذلك
هو ذلك الرجل البشوش الذي اتي الي المدرسة منذ عام او اكثر
دائما اراهما واقفان يتحدثان سويا
هو كان ذلك الزميل الجميل الذي لا يتواني عن تقديم اي خدمات لنا
وهي بنوتة جميلة اعرفها منذ سنوات طويلة
بصراحة يناسبان بعضهما جدا
..
بالامس اتي بعد غياب طويل
وقد اصبح رجل ملتحي
وللاسف اختفت البشاشة
وكأنه استبدلها بتلك اللحية الغريبة
...
تنبأت بالسيناريو المكرر
وحاولت جاهدة ان امنعها من الكلام معه
ولكنها لم تصدقني واسرعت اليه
وعندما بادرته بالسلام
نظر بعيدا ورد عليها
إزيك يا أخت ..................

بحلقت هي غير مصدقة
وجدت انه من واجبي ان افعل شيئا
غتيت لهذا الغتيت
فانحشرت في الوسط كبراشوت
ونظرت له من اعلي الي اسفل

ايه ده ...هو انت اتحجبت ..........ماشاء الله
الف مبروك .......نسيبك احنا بقا عشان ورانا شغل

واخذتها ومشينا
اما هو فسمعته يتمتم بــــ
استغفر الله العظيم ....لا اله الا الله

وكأنني شيطان مثلا
فلعنته في سري
وحاولت ان اهون عليها الموضوع
ولكنها سالتني هو ليه اتغير كده
هي الدقن بتغير الناس كده
..
طبعا بتغير يابنتي
هو اصلا معندوش وقت عشان يعرف حد
كفاية عليه دقنه يسرحها ويعتني بيها

*المُنتقب :_اي الذي اوجد بينه وبين الحق حاجز.

تنويه اخير :_ نحن هنا ننتقد اخلاق بعض الملتحين وليس كل الملتحين والف تحية منا لمن ربي عقله قبل لحيته.

الصورة الاكثر ايلاما في مصر

هو لم يكن يفهم في السياسة
لم يخاف النظام
لأنه ببساطة لا يفهم ماهو النظام
فرح بالثورة
لأنه امن انه اخيرا سيجد لقمة عيش لها طعم ادمي
ولكن
من كان يمشي ورائهم
خذلوه
احبطوه
وانقسموا علي حالهم
مابين ائتلاف وترابط و و و
وتركوه غير قادر حتي علي توفير انبوبة جاز
هو حصل اليوم اخيرا علي واحدة
وبكي كثيرا وهو يحملها علي كتفه
هو لا يبكي من اجل الانبوبة
ولكنه يبكي الخذلان
وعدم الاحساس بمعاناة البسطاء

نحن ..والمنكرات

نحن لا نفعل المنكرات في الطرقات ولكننا نفعلها بداخلنا
او في الغرف المغلقة حيث لا أعين تري.
ونستنكر علي البعض قصة حب بريئة
او لبس مكشوف بعض الشئ
وكلنا عيوب
افعالهم لاشئ مقارنة باثامنا
ولكن نحن خُلقنا
لننقد

لنتكلم علي بعضنا البعض
من نحن لنفعل هذا؟
نحن لاشئ
نحن الأفراد (اللاشئ)في زمن كل شئ أصبح

(مبــــــــــــــــــــــــــاح)

وقد كانت الارخص ثمنا والاقل ضجة

هي تعلم جيدا انه هناك ..ولكن في اي (هناك)  تحديدا ؟ هل هو  حي يتنفس ام واحد من هؤلاء الذين لفوهم باعلام مصر (هناك) ؟

هي لا تعلم؟؟

تتابع نشرات الاخبار بقلق. تتابع صور القتلي برعب.

تبحث بين اسماء الضحايا عن اسمه

هي ليست امرأته الان

ولكن شيئا في اعماقها هو له (وحده)

لم يصل اليه غيره

ولكنها تعلم انها اخر شخص قد يود ان يراه

او يطمئن عليه

هو اغلق كل المنافذ

وهي لن تعبر اليه يوما

هو بعيد جدا حتي ف الاحلام وهي ابعد من ان يراها حتي في نومه

ولكن

كلما تكرر اسم (بورسعيد)

تذكره وتذكر تلك الشوارع التي لن تطأها يوما  بعده

هي ايضا تبتسم قهرا لسماع كلمة(مجزرة بورسعيد)

لانها تعلم في قرارة نفسها انها ليست

اول مجزرة لبورسعيد

ولكن بعض المجازر يتم (سرا) دون قنوات فضائية

ولا بكاء ولا عويل

واخري تتخذ صفة الرسمية بمجرد تداولها في وسائل الاعلام

ربما هي ليست اول القتلي

ولا اخرهم

ربما موتها لم يكن الاعنف

ولا الابشع

ولكنها مـــاتت بصمت

ماتت بدون ان توضع صورتها وبجانبها البقاء لله

ماتت بدون ان تودع اهلها وذويها

ماتت وهي تظن بانه حبيبها الاول

وعشقها الكبير

والقلب الاحن

ولكنــ للاسف

هو اول من القاها من اعلي المدرجات

فوقعت عارية علي الارض

ملطخة بالدماء

ونظرات الناس المشفقة تحيطها

وورقتان من ورق الجرائد

غطوها بهما

وما يتحرك الان هو شبحها

فقد كانت الشهيدة (الاقل ضجة و..................الــأرخـــص ثمـــنـــا)

ممكن ... إحتمال....جايز

(هزيمة هزيمة  ................كل ما أجده في حبك هو الهزيمة )

لم اجد الوقت الكافي لقول اشياء تليق بنهاية متوقعة لقصتنا

ربما ما اكتبه لك الان هو شئ لا يشفي غليلي

ولكنه ع الاقل يضعني امام نفسي في مواجهة سريعة

تمهيدا لجلسة عميقة التفاصيل

.

كل مرة احاول استبقائك جانبي 

اشعر باني الامس ضباب 

وكل مرة اعاهدك علي الا تتركني 

تركنني الي رف الظروف

وتقول لي مستغربا :- اتكرهين ان اكون رجل صريح

ولما تكون هذه الصراحة مفادها الفراق

لما لاتكون الحقيقة غير ذلك

لما كل مرة ابدو كحمقاء تفقد حقيبتها في محطة قطار

ببلد تراه لاول مرة

تسعي للمزيد من توريطي معك

وتتركني عارية في الصقيع بلا سند؟

الا تحمل نوعا من المسئولية تجاهي 

الا تكفيك كلمة أحبـــك

انا امرأة تبحث عن رجل بحجم العالم

لاحتواء مشاعرها

انا امرأة مزقتها الليالي

اوجعتها قصص المحبين

كنت لك كل من اردت ان تعرفهن

ابدعت في كل الادوار؟

ظننت انك ستعطيني نوبل الخاصة بي

ظننت انك ستدافع عني ضدهم

واندهشت لردات فعلك المتناقضة

واندهشت اكثر لأني مازلت امتلك كل تلك الدهشة بداخلي 

 دعني الان اقرر النهاية التي ستناسبني 

في الوقت الذي اريده انا

ولا تخبرني بضرورة ان افكر كثيرا

فالموضوع لا يحتاج الي كل هذا التفكير

انت ليس لديك الا لغة الحل الواحد

وانا لن اموت لبعدك عني

سيكون قبلك دائما كلمة (ممكن...احتمال ...جايز.....ربنا يسهل)

فقصتنا نسبة نجاحها فقط  

(5%)

(5%)

(5%)

فقط

هذا البيت

لا اعلم بالظبط ماهي قصتي مع هذا البيت
ربما لأننا رأيناه سويا
ربما لأنني احسست للحظات انه يحتويني
وتخيلتني وانا في مطبخه اعد لك الافطار
ولدينا طفل ف السادسة من العمر
(لا تسألني لما ف السادسة  ...لانه توقيتي المفضل معك ياعزيزي)

ولدي هذا البراح الشاسع من البحر امامي
واملك من يومك14 ساعة
وتملك من يومي يومي كله
سأتركك تنام لساعتين فقط
وانا سأتركني لأحلامي
وقبل ان اغلق عيناي بجانبك
سأخبرك بشئ
...
..أحبك
واتمني ان يضمني بيت معك