هذا البيت

لا اعلم بالظبط ماهي قصتي مع هذا البيت
ربما لأننا رأيناه سويا
ربما لأنني احسست للحظات انه يحتويني
وتخيلتني وانا في مطبخه اعد لك الافطار
ولدينا طفل ف السادسة من العمر
(لا تسألني لما ف السادسة  ...لانه توقيتي المفضل معك ياعزيزي)

ولدي هذا البراح الشاسع من البحر امامي
واملك من يومك14 ساعة
وتملك من يومي يومي كله
سأتركك تنام لساعتين فقط
وانا سأتركني لأحلامي
وقبل ان اغلق عيناي بجانبك
سأخبرك بشئ
...
..أحبك
واتمني ان يضمني بيت معك

خالتك سلمية ماتت

 

 

خالتك سلمية ماتت

لما تبقي نظام فاسد كل همك انك تدوس عليا وتذلني وتعيش انت وتتمتع تبقي خالتك سلمية ماتت

اما تتهمني بالبلطجة واني عميل واني بخرب في البلد وانت حراميها وبايعها ومشيرها لكل صحابك ومحاسيبك تبقي خالتك سلمية ماتت

لما تضربني بالشوم وبالغازات السامة والقنابل المثيرة لاعصابي وتجبلي شلل في اطرافي وانا مجرد فرد اعزل تبقي خالتك سلمية ماتت

لما تبقي امين شرطة معفن ولا ظابط فاسد تهين كرامتي وتبهدل شرفي وتصفي عنيا ويتقالك تسلم ايدك ياباشا تبقي خالتك سلمية ماتت

لما تبقي عيل كنبة طول النهار مأنتخ جمب مراتك تبص للقتوات وتأزأز لب وتسب وتلعن فيا وتقول عليا عيل صايع ضيعت البلد تبقي خالتك سلمية ماتت

فهمت ياكابتن خالتك سلمية ماتت

في الزبالة؟

شوف اخوك بيترمي ف الزبالة اتفضل من هنا 


كام واحد فيهم كان عنده حلم

هنا اتقتل

هنا اترمي ف الزبالة ياحضرات

وبابشع طريقة مات

لو لسه بتقولي بلد

هتغور البلد اللي خارسها عن الحق السكات

احتــــرمهم ليحتــــــــرموك (اختبار ذكاء)

اختبار ذكاء



1_يعني ايه الاسلام هو الحل:-

أ-يعني احنا مثلا نمسك المسيحيين كلهم ونقتلهم.
ب_ولا احنا جماعة كفرة والمفروض اننا نأسلم عشان يبقي ده حلنا ومندخلش النار.
ج_ كلام ناس عايزة تولعها حريقة .

لو هتختار أ
اسمحللي انت بني ادم ............. عشان ربنا قالك 

بسم الله الرحمن الرحيم

"ولا تجادلوا أهل الكتاب إلا بالتي هي أحسن إلا الذين ظلموا منهم وقولوا آمنا بالذي أنزل إلينا وأنزل إليكم وإلهنا وإلهكم واحد ونحن له مسلمون".

صدق الله العظيم

لو هتختار ب
برضه انت لسه بني ادم .........لأن ربنا بيقول

بسم الله الرحمن الرحيم

 الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79) وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81) وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ (82) 

 صدق الله العظيم

لو هتختار ج
كده احنا متفقيــــــــــن
دي فعلا ناس عايزة فتنة ف البلد ليه لان الاسلام بيحترم كل الاديان الاخري
ولما تيجي سيادتك تقول يامسيحي الاسلام هو الحل .. كده انت مبتحترمش دينه ومتعرفش حتي دينك بيقول
ايه

بسم الله الرحمن الرحيم

{ لَكُمْ دِينُكُمْ وَلِيَ دِينِ }

صدق الله العظيم

احترمـــهم ليحتــــرموك

اهو الوداع حقا.....

تائه انت بين حلان 

كلاهما مر

كلاهما علقم

ترغب بأن تنفذ لي ما أريده

وان ابقي كما تريد

ولكن هذا هو الواقع ياعزيزي

وانت رجل واقعي 

الحياة عندك لادخل لها  بالموضوعات العاطفية

لم اعتقد ان رجل من الممكن 

ان يكسر قلبي بهذه السرعة

ولمرة اخري بحياتي احس بالم يفوق الخيال

لما انا دائما مقررة علي الالام

لما اضع نفسي دائما في مواقف عاطفية

لا اُحسد عليها

انا دائما افرض حولي حصار

لئلا يقترب احد مني

ولكني تلك المرة تنازلت قليلا

وسمحت لك بالدخول

لم اعلم انهم وضعوا لي السم فيك

اشعر بانتصارهم هذه المرة

وهم ينظرون لي ويضحكون بكل شماتة

وانا اتسمم بك

هذا اليوم 14\11\2011

تاريخ تذكره جيدا

في هذا اليوم رفضت الإرتباط بك

برغم الإحترام والحب المتبادلين

ولكني أُحبني اكثر واحترمني اكثر 

صدقا لا اكرهك ولا احبك

فوجهة نظرك قاسية 

ولكنها يجب ان تُحترم 

وقصتنا

هي عباءة حاولنا ارتدائها 

ولكنها ليست مقاسنا 

فلنتركها للانسب

عزيزي

لم أظلمك ولم تظلمني

الزمان ايضا لم يظلمنا

إنما هو قدر 

وطباع وافكار مجتمع

نحن عشنا فيه

ويعيش بداخلك

عزيزي

انت لست بمكان سئ بداخلي

ولكنك في منطقة حيادية 

ليست بها الوان

واعلم انك لست اخر الحكايا بحياتي

ولكنك كنت الأقسي

ولكني اسامحك

فالحظ يخاصمني معك

ولكني اعلم انه سيصالحني بالأفضل

اعذرني  لدي الكثير لأفعله

واتمني لك ايام أفضل 

مع الأفضل والأحسن لك

وداعا ياعزيزي

رجل ... أحببتـــــــــــــــه

 (في بلدي يعايرون الرجل لو تنازل واحب زوجته فوق العادة)

عندما اغمض عيناي 

وتجلس انت بجانبي

لتحكي لي حكاية ماقبل النوم

عندها فقط ...فقط

اشعر برجولتك

لــــو.. انــــــها

لو انها تمطر كثيرا

فتغسل الأحزان بداخلنا

وتمحي الالام من القلوب

وتمسح وجع الشعوب

لو ان الارض كلها تمتلئ

مطر .. فقط مطر

وتختفي المعاناة

ويصبح الناس كتلة واحدة

وقلب واحد

بلا ماديات

بلا افكار قذرة

بلا اعمال مخربة

ندفئ بعض.. ببعض

ويأتي هو ليسألني

(إنتي كويسة؟)

فأرد:_

(إنت اتاخرت أوي)

فيرد:_

(بس المهم إني جيت)

فأبكي وأحتمي بحضنـــه

.

.

.

لو انهـــا تمطر كثيرا

عذرا رفضوكي لأنك ................

احبا بعضهما وفرقتهما الظروف

تزوجت اخر ولسوء حظها

انفصلت سريعا

واكملت حياتها بشكل طبيعي جدا

عاد الي الوطن ذات صدفة ليجدها امامه

بكل تفاصيلها التي عشقها في الماضي

وعاد لمقابلتها

صمم علي الارتباط بها 

صُدم من ردة فعل اهله 

اخبروه انها مطلقة 

امرأة لها خبرة سابقة بالرجال

ضعف امام رغباتهم

وترك لها رسالة 

(عذرا رفضوكي لأنك مطلقة 

ولم استطع إقناعهم,فسامحيني)

وغادر الوطن مرة اخري

بكته قليلا ولملمت هداياه في صندوق

وبعثتها الي اخته مع رسالة اخري

(ربما انا امرأة مطلقة

ولكني اختلف عن غيري من المطلقات

في انني لن انظر لنفسي الا كملكة

لم تجد السلطان بعد)

مستعجل ليه......لسّه جُوّه قلّبي عِلََلْ

متطالبنيش احلم بأحلام كبيرة معاك

وانا واقفة علي ارض لينة

انا بحبك .. بس مقدرش احبك جدا

صدقني كخطوة أولي إني ارتحلك وعاوزة اشوفك كتير

وببقي مبسوطة اني اتكلم معاك

دي حاجة كبيرة بالنسبة لي 

ومتوقعتش انها تحصل

مش عايزة اندم ولا احس اني غلطت

ايوه عايزة اطير معاك فوق السحاب

بس اما انزل اكون واقفة جمبك علي الارض 

متكسرش

عايزة ادوق الامان اللي بجد

عايزة ارجع لسنة اولي حب

وارسمك كأول راجل ف حياتي

لو سمحت ..امسح كل حاجة من جوايا

وخليك انت وبس

ارجوك .. حبني وخاف عليا جدا

إحترمني واصبر عليا شوية

ارجوك .. متخونيش في يوم

واوعدك همثل كل أدوار الستات اللي ممكن يعجبوك ف العالم

مقدرة جد ا الحاجات الصغيرة المميزة اللي انت بتعملها عشاني

ومقدرة جدا احساسك العالي بيا

صدقني انا بس محتاجة شوية وقت

لكني متأكدة اني هحبك ...هحبك جدا

اتفرج يسلام ....ع الدنيا يسلام

تزوجها بالطريقة التقليدية ككل ابناء الريف

يراها في مكان ما ,يخبر والديه,يسأل عنها

اخلاقها جيدة ,عائلتها طيبة 

وتـــــــــــم الـــــــــزواج

لم تكن تعرف ان المرأة -من وجهة نظرهم- هي خادمة بلا أجر 

لا حق لها في الحياة بشكل مختلف عن حياتهم

بل ليس لها الحق في ان تحيا حياتهم المترفة .......فقط تُأمر فتطيع

وزوجها(حامي حمي ديار مشاعرها)كان ضعيفا لايقدر علي مواجهتهم

فهو رجل الدين الورع المُعترف علي الدوام بأفضال أبيه وأمه ,لايخالفهم في شئ فرضي الوالدين من رضي الله

نسي أن الله أمره بتوفير الحياة الكريمة لزوجته وان يصون كرامتها,نسي ان الرسول (صلي الله عليه وسلم)قال:_رفقا بالقوارير.

 .

.

هي رجعت الي بيت اهلها بطفل ومأساة وأمل في أن الأيام قد تتغير ويشعر بها زوجها 

,وهو يرفض أن يستقل عن( اولياء أمره ).

هي أمامها حلان لا ثالث لهما إما الرجوع لهم والإنصياع لأوامرهم 

او الإنفصال عنه

في بلد لا تعترف بشريعة الإحساس......بلد (قلنا وقالوا)

أي الحلول ستختار ياتُري؟